မင်းကွပ်သီးအခွံမှာ ဗီတာမင်နဲ့ အဟာရဓါတ်တွေ ပြည့်ဝစွာပါဝင်ပါတယ်။
မင်းကွပ်သီးအခွံကို ဒီအတိုင်းစားမယ်ဆိုရင် ခါးသက်သက်ကြီးဖြစ်နေမှာပါ။ ဒီတော့ အိမ်မှာအလွယ်တကူပြုလုပ်နိုင်ပါတယ်။
ပြုလုပ်နည်း
မင်းကွပ်သီးမှည့် ၁ လုံး (သို့) ၂ လုံးကိုယူပြီး ရေသေချာဆေးပါ။
ပြီးရင် အထဲက စားလို့ရတဲ့ အစေ့ကိုထုတ်လိုက်ပါ။ သီးသန့်စားလို့ရသလို ဖျော်ရည်မှာ ထည့်ပြီးလည်းသောက်နိုင်ပါတယ်။
ပြီးရင် ဇွန်းကိုသုံးပြီး အခွံအတွင်းက နူးညံ့တဲ့အသားကို ခြစ်ယူပေးပါ။ အပြင်အခွံမာကိုတော့ မစားရပါဘူး။
ခြစ်ယူပြီးရင် ရေနွေး နဲ့ ပွက်ပွက်ဆူအောင် ၂ မိနစ် ၃ မိနစ်လောက်သည်ပေးပါ။ အခါးတွေထွက်သွားဖို့ဖြစ်ပါတယ်။
ပြီးရင်တော့ ရေထဲကဆယ်ယူလိုက်ပြီး ဖျော်စက်ထဲထည့်ပါ။ ပြုတ်ထားတဲ့အရည် ၁၀၀ မီလီလီတာ၊ ရေသန့် (သို့) ရေခဲရေ ၁၀၀ မီလီလီတာ၊ ပျားရည်ကိုလည်း ဖျော်စက်ထဲထည့်လိုက်ပါ။ တခြားသီးနှံတွေဖြစ်တဲ့ ထောပတ်သီး၊ စတော်ဘယ်ရီ၊ နာနတ်သီး၊ သံပုယိုသီး တစ်မျိုးမျိုးကိုလည်း ထည့်သွင်းနိုင်ပါတယ်။ ပြီးရင် လုံး၀ ကြေညက်သွားတဲ့ထိဖျော်ပေးပါ။
ပြီးရင်ခွက်တစ်လုံးထဲထည့်ပြီး ချက်ချင်းသောက်ပေးပါ။ ဒါမှမဟုတ်လည်း လေလုံတဲ့ ဘူးတစ်လုံးထဲထည့်ပြီး ရေခဲသေတာထဲမှာ ထည့်ထားပြီးသောက်ပေးနိုင်ပါတယ်။ မင်းကွပ်သီးအခွံဖျော်ရည်ကို အစားအစာပြီးမှသောက်ပေးပါ။ မစားရသေးခင်မှာမသောက်ပါနဲ့။ မင်းကွပ်သီးခွံမှာပါတဲ့ အက်ဆစ်ဓါတ်တစ်မျိုးက အစာအိမ်ကို အက်ဆစ်ဓါတ်ပုံပြီး ထုတ်ပေးမှာစိုးလို့ပါ။
နောက်တစ်နည်းကတော့
မင်းကွပ်သီးအထဲက အခွံကိုဇွန်းနဲ့သေချာခြစ်ယူပြီး ဖျော်စက်ထဲထည့်ကာဖျော်ပေးပါ။ ပျားရည်၊ သကြားနဲ့ ရေကိုအနေတော်ထည့်ပါ။ သကြားမစားတဲ့သူတွေ ပျားရည်များများထည့်ပါ။
