အရွယ်ရောက်ပြီးသူ 10 ယောက်မှာ 8 ယောက်လောက်က ခါးအောက်ပိုင်း နာကျင်မှုကို ခံစားကြရပါတယ်။ ခါးအောက်ပိုင်းနာတဲ့အခါ နံရိုးအောက်နားကနေစပြီး ကျောရိုးတောက်လျောက် အောက်ပိုင်းအထိ နာတတ်ပြီး မွဲခြောက်တဲ့ နာကျင်ကိုက်ခဲမှုက မတူညီတဲ့ နာကျင်ခံစားမှုတွေကို ခံစားရပါတယ်။

ခါးအောက်ပိုင်းနာတာက နေ့စဉ်ဘဝအပေါ် အများကြီးသက်ရောက်မှုရှိတာမလို့ ကိုယ်လုပ်ချင်တာကို မလုပ်နိုင်တော့တာ စိတ်သွားတိုင်းကိုယ်မပါနိုင်တော့တာမလို့ အများကြီး စိတ်အနှောင့်အယှက်ဖြစ်ရပါတယ်။

ခါးအောက်ပိုင်းနာကျင်တာကို မကုသပါက ခါးနာတာကနေ အဆစ်အမြစ် ရောင်ရမ်းတာကို ဖြစ်စေနိုင်မလို့ “ကြိုတင်ကာကွယ်ခြင်းသည်ကုသခြင်းထက်ပိုထိရောက်သည်”။ ဆိုတဲ့စကားအတိုင်း ကြိုတင်ကာကွယ်သင့်ပါတယ်။

အပ်စိုက်ကုထုံး

တရုတ်ရိုးရာပညာရပ်တစ်ခုဖြစ်တဲ့ အပ်စိုက်ကုထုံးကလည်း ခါးနာဝေဒနာကို သက်သာပျောက်ကင်းစေတဲ့ သာဓကတွေများစွာ ရှိပါတယ်။

အစားအသောက်

ခါးနာတဲ့အခါ ကျန်းမာရေးနဲ့ ညီညွတ်တဲ့ အစားအသောက်တွေ စားဖို့ အရေးကြီးပါတယ်။ ကျန်းမာရေးနဲ့ ညီညွတ်တဲ့ စားသောက်မှုဟာ ကျန်းမာတဲ့ ကိုယ်အလေးချိန်ကို ထိန်းသိမ်းဖို့ ကူညီပေးပြီး အာဟာရဓာတ်ကြွယ်ဝတဲ့ အစားအစာကိုစားပေးရင် အရိုးကြီးထွားမှုကို မြှင့်တင်ပေးပြီး အရိုးများကို သန်မာကျန်းမာစေပါတယ်။

လုပ်ငန်းခွင်

အလုပ်လုပ်တဲ့အခါမှာ အချိန်အကြာကြီးထိုင်တာမျိုးက ခါးနာတာကို အထူးသဖြင့် သင့်အောက်ပိုင်းကို ဖြစ်စေနိုင်ပါတယ်။ ဒါကြောင့် မဖြစ်မနေထိုင်ရမယ်ဆိုရင်လည်း ခြေထောက်ကို ကြမ်းပြင်မှာ လွတ်လွတ်လပ်လပ်ထားလို့ရပြီး ဒူးတွေကို တင်ပါးနဲ့ တစ်ပြေးတည်းဖြစ်စေတဲ့ အမြင့်ရှိတဲ့ခုံမျိုးကို ရွေးချယ်သင့်ပါတယ်။

ယောဂ

ယောဂသည် ခါးအောက်ပိုင်းနာကျင်မှုကို သက်သာစေဖို့ ရေတိုအကျိုးသက်ရောက်မှုရှိတဲ့ အရာတစ်ခုပါ။ ယောဂကျင့်တာကခါးအောက်ပိုင်းမှာရှိတဲ့ တင်းမာမှုတွေကို လျော့ပါးစေပြီး စိတ်ဖိစီးမှုကိုလည်း သက်သာစေပါတယ်။

စမတ်ကျကျ အိပ်ပါ

အိပ်ရာကနိုးလာတဲ့အချိန် လည်ပင်းတောင့်တင်းနေတာ ဒါမှမဟုတ် ခါးနာတာတွေက အိပ်နေတုန်းမှာ ပုံစံမမှန်တဲ့ အနေအထားနဲ့ အိပ်တာကြောင့်ပါ။ ဒူးကို ရင်ဘတ်နဲ့ ကပ်ပြီး စောင်းအိပ်တာ၊ အိပ်တဲ့အခါ ခြေထောက်နှစ်ဖက်ကြားမှာ ခေါင်းအုံးကို ထားအိ်ပ်တာတွေက ကျောအောက်ပိုင်းရှိ ဖိအားတွေကို လျှော့ချပေးနိုင်ပါတယ်။ ဒါအပြင် အရမ်းပျော့တဲ့ မွေ့ရာတွေကလည်း ခါးနာတာကိုဖြစ်စေတာမလို့ ရှောင်ရှားသင့်ပါတယ်။