ပီလောပီနံရွက်ကို သိကြမယ်ထင်ပါတယ်နော်။ သုတ်စားလို့လည်းရတယ်။ ပြုတ်ပြီး တို့စားလို့လည်းရတဲ့အပြင် အမျိုးမျိုး ချက်စားကြတဲ့ အရွက်တစ်မျိုးပါပဲ။ ပီလောပီနံရွက်ကိုသာမက ပီလောပီနံဥကိုလည်း စားသုံးကြပါတယ်။

ပီလောပီနံရွက်မှာ ဗီတာမင် C ကြွယ်ဝစွာပါဝင်ပြီး၊ Antioxidant လည်းကြွယ်ဝစွာပါဝင်ပါတယ်။ သူ့ရဲ့ အကျိုးကျေးဇူးတွေကို ဖော်ပြရရင်တော့။

ကိုယ်ဝန်ဆောင်တွေအတွက် ကောင်းမွန်ပါတယ်။

ကိုယ်ဝန်ဆောင်တွေစားလို့ရသလားလို့ မေးလာရင် ရပါတယ်။ သံဓါတ်မြင့်မားစွာပါဝင်လို့ သွေးအားနည်းရောဂါဖြစ်ပွားမှုကို ကာကွယ်ပေးနိုင်ပါတယ်။

ခေါင်းကိုက်တာနဲ့ ဖျားနာတာကို သက်သာစေပါတယ်။

ပီလောပီနံရွက် ၃ ရွက်လောကို ကြိတ်ပြီး သောက်ပေးရင် ဖျားနာတာသက်သာပြီး၊ နားထင်မှာကပ်ပေးရင်လည်း ခေါင်းကိုက်သက်သာပါတယ်။

ဗီတာမင်B

ဗီတာမင် B ပါဝင်လို့ စိတ်ခံစားချက်ကိုကောင်းမွန်စေပြီး ဇီဝဖြစ်စဉ်ကို မြင့်တင်ပေးနိုင်ပါတယ်။

အစွမ်းရှိတဲ့ Antioxidant

အစွမ်းရှိတဲ့ Antioxidant တွေကြွယ်ဝစွာပါဝင်လို့ နှလုံးသွေးကြောဆိုင်ရာ ရောဂါတွေကနေ ကာကွယ်ပေးနိုင်ပြီး၊ လေဖြတ်တာနဲ့ ကင်ဆာရောဂါကိုလည်း ကြိုတင်ကာကွယ်ပေးနိုင်ပါတယ်။

မျက်လုံးကျန်းမာရေး

မျက်လုံးကျန်းမာရေးအတွက် လည်း အထူးကောင်းမွန်စေတဲ့ ဆေးတလက်ဖြစ်ပါတယ်။ သုပ်ပြီး ထမင်းနဲ့စားစား အကျိုးရှိပါတယ်။

အလှအပ

Antioxidant နဲ့ ဗီတာမင် C ကြွယ်ဝစွာပါဝင်လို့ အလှအပအတွက် အထူးကောင်းမွန်ပါတယ်။ အိုမင်းရင့်ရော်မှုကို ကာကွယ်ပေးနိုင်ပါတယ်။

အစာချေစနစ်ကောင်းမွန်စေခြင်း

အစာချေစနစ်ကိုကောင်းမွန်စေပါတယ်။ အမျှင်ဓါတ်တွေကြွယ်ဝစွာပါဝင်လို့ အူကိုသန့်စင်ပေးနိုင်ပါတယ်။