သစ်ချသီး ၅ လုံးစားပြီး ၄ နာရီကြာတဲ့အခါမှာ ဘယ်လိုထူးခြားမှုတွေ ရှိလာမလဲ

မကြာသေးခင်က ပြုလုပ်ခဲ့တဲ့ သုတေသန အရ တစ်နေ့ကို သစ်ချသီး လက်တစ်ဆုပ်စာလောက် စားပေးရင် နှလုံး ရောဂါကို ကာကွယ်နိုင်ကြောင်း တွေ့ရှိခဲ့ရပါတယ်။

သစ်ချသီး ၅ လုံးစားပြီး ၄ နာရီကြာတဲ့အခါမှာ သွေးအတွင်း ကိုလက်စထရောဓာတ် ကျဆင်းလာပြီး သွေးကြောနံရံတွေကလည်း ပျော့ပျောင်းနေတာကို တွေ့ခဲ့ရပါတယ်။

သုတေသနမှာ ပါဝင်တဲ့ Dr. Penny Kris Etherton က “တစ်နေ့ကို သစ်ချသီး လက်တစ်ဆုပ်စာလောက်ဘဲ ၄ ရက် ဆက်တိုက်စားပေးရင် နှလုံးရောဂါဖြစ်ပွားနိုင်ချေကို ကျဆင်းစေတယ်”လို့ ဆိုပါတယ်။

သစ်ချသီးကို အရင်ခေတ်အဆက်ဆက်ကလည်း တခြား ကျန်းမာရေးကောင်းကျိုးတွေကြောင့် အသုံးပြုခဲ့ကြပါတယ်။

ရောမ တို့က သစ်ချသီးက လိင်စွမ်းဆောင်မှုကို ကောင်းစေတယ်လို့ ယုံကြည်ကြပြီး အခုမှ လက်ထပ်ပြီးသူတွေကို သစ်ချသီးတွေ ကြဲပက်ပေးလေ့ရှိပါတယ်။