ပန်းဂေါ်ဖီကို ချက်စားတဲ့အခါ အရွက်ကိုရော ရိုးတိုင်ကို လွှတ်ပစ်တတ်ပါသလား။ ဒီဆောင်းပါးကို ဖတ်ပြီးရင်တော့ စာဖတ်သူတို့ လွှတ်ပစ်တော့မှာမဟုတ်ပါဘူးဆိုတာ သေချာပါတယ်။
ပန်းဂေါ်ဖီက အဟာရ ပြည့်ဝတဲ့ ဟင်းသီးဟင်းရွက်တစ်မျိုးဖြစ်ပြီး ဗီတာမင် C၊ ပိုတက်စီယမ်၊ ဗီတာမင် B နဲ့ ကယ်ဆီယမ် ဓာတ်တစ်ချို့နဲ့ သံဓာတ်တို့ ပါဝင်ပါတယ်။ ပန်းကော်ဖီ အစိမ်းဘဲ ဖြစ်ဖြစ်၊ အဝါဘဲ ဖြစ်ဖြစ်၊ အစိမ်းရောင့်ရောင်ဘဲ ဖြစ်ဖြစ် ပန်းကော်ဖီတစ်ခုလုံးကို စားသုံးသင့်ပါတယ်။
ဂေါ်ဖီရွက်
ပန်းကော်ဖီ အရွက် ဂရမ် ၃၀ မှာ ဗီတာမင် A အက ၉၀% ပါဝင်ပါတယ်။ ဗီတာမင် A က မျက်စိအားကို ကောင်းစေဖို့ အဓိက ကျပြီး ခန္ဓာကိုယ်ရဲ့ ခုခံအားကိုလည်းမြှင့်တင်ပေးပါတယ်။ အဲ့ဒီအပြင် ခန္ဓာကိုယ်အတွက် လိုအပ်တဲ့ ဗီတာမင် C ၄၃ % ကိုလည်း အဲ့ဒီ ပန်ဂေါ်ဖီ အရွက် ၃၀ ဂရမ် ကနေ ရရှိနိုင်ပါတယ်။
ဟင်းချက်ရင် ပန်းဂေါ် အရွက်တွေကို ပါးပါးလှီးပြီး တခါတည်း ထည့်ချက်လို့ရပါတယ်။
ဂေါ်ဖီရိုးတိုင်
ပန်းဂေါ်ဖီ အရိုးတိုင်မှာလည်း ချိုစိမ့်စိမ့်အရသာရှိပြီး ပန်းဂေါ်ဖီထဲမှာထက် အမျှင်ဓာတ်တွေ ပိုမို ပါဝင်တာကြောင့် လွှတ်မပစ်သင့်ပါဘူး။
ပန်းဂေါ်ဖီ အရိုးတိုင်ရဲ့ အပြင်လွှာကို ခြစ်ထုတ်လိုက်ပြီးမှ အလယ်က ကျန်ခဲ့တဲ့ အသားကို အတုံးသေးသေးလေးတွေ တုံးလိုက်ပါ။
အရိုးတိုင်ကို ၂ မိနစ် ၃ မိနစ်လောက်စောပြီး အိုးထဲထည့်ထားပြီးနောက် တခြား အရွက်နဲ့ ပန်းဂေါ်ဖီကို ထည့်သွင်း ချက်ပြုတ်စားသောက်နိုင်ပါပြီ။
