ကိုလက်စထရောဆိုတာဟာ သွေးအတွင်းမှာတွေ့ရှိရတဲ့ အဆီတစ်မျိုးဖြစ်ပါတယ်။ အတိုင်းအတာတစ်ခုအတွက်တော့ ထိုကိုလက်စထရောများက ခန္ဓာကိုယ်အတွက် ကောင်းမွန်လိုအပ်ပေမယ့်လည်း အတိုင်းထက်အလွန်ဖြစ်လာရင်တော့ ကျန်းမာရေးအတွက် စိုးရိမ်စရာဖြစ်လာနိုင်ပါတယ်။
ဒါကြောင့် မလိုလားအပ်တဲ့ ပြဿနာတွေမဖြစ်လာရအောင် ကိုလက်စထရောကို လျှော့ချရာမှာ အသုံးဝင်မယ့် ဖျော်ရည်လေးတွေကို ဖော်ပြပေးလိုက်ရပါတယ်။
နည်းလမ်း (၁)
ပါဝင်ပစ္စည်းများ
ပန်းသီး – ၂ လုံး
သခွားသီး – ၁ လုံး
ဂျင်း – လက်မအရွယ်တစ်စိတ်
သံပုယိုသီး – ၁ လုံး
ပြင်ဆင်ပုံ
၁။ အတုံးလေးတွေလှီးထားသည့် ပန်းသီးတွေကို အရည်ညှစ်စက်ထဲထည့်ပါ။
၂။ အခွံခွားပြီးသား သခွားသီးကိုလည်း အရည်ညှစ်ရအောင် ထည့်ပေးပါ။
၃။ ဂျင်းကိုလည်း ပေါင်းထည့်ပြီး အရည်ညှစ်ပေးပါ။
၄။ ခွက်ထဲပြောင်းထည့်ပြီး သံပုယိုသီးတခြမ်း အရည်ညှစ်ထည့်ပါ။
ပိုမိုကောင်းမွန်တဲ့ရလဒ်တွေအတွက် တစ်နေ့လျှင် ၂ ကြိမ် သောက်သုံးပေးပါ။
နည်းလမ်း (၂)
ပါဝင်ပစ္စည်းများ
လိမ္မော်သီး – ၂ လုံး
သစ်တော်သီး – ၂ လုံး
ဂျင်း – လက်မအရွယ်တစ်စိတ်
ပျားရည် – စားပွဲတင်ဇွန်း ၁ ဇွန်း
ပန်းသီးရှာလကာရည် – စားပွဲတင်ဇွန်း ၁ ဇွန်း
ပြင်ဆင်ပုံအဆင့်များ
၁။ လိမ္မော်သီးတွေကို အခွံခွာပြီး စက်ထဲထည့်ကာ အရည်ညှစ်ပါ။
၂။ သစ်တော်သီးများကိုလည်း ရောထည့်ပြီး အရည်ညှစ်ပါ။
၃။ ဂျင်းအစိတ်ကိုပါ ပေါင်းထည့်ကာ အရည်ရအောင် ညှစ်ပေးပါ။
၄။ ရလာတဲ့အရည်ကို ခွက်ထဲပြောင်းထည့်ကာ ပျားရည်၊ ပန်းသီးရှာလကာရည်တို့လောင်းထည့်ပါ။
တနေ့လျှင် ၂ ခွက်မှ ၃ ခွက်ကို နေ့စဉ်နေ့တိုင်း သောက်သုံးနိုင်ပါတယ်။ ပိုမိုထိရောက်သောရလဒ်များအတွက် မနက်စာမစားခင် တခွက်သောက်သုံးပေးပါ။
Credit: Top10HomeRemedies
