မင်းကွတ်သီးဟာ အရှေ့တောင်အာရှမှာ လူကြိုက်များတဲ့အသီးပါ။ ကျန်းမာရေးအတွက် အကျိုးကျေးဇူးတွေများတဲ့ အစားအစာအဖြစ်လည်း လူသိများပါတယ်။
မင်းကွတ်သီးမှာလည်း ဘေးထွက်ဆိုးကျိုးတွေရှိပါတယ်။ မင်းကွတ်သီးကို အလွန်အကျွံစားသုံးပေးမယ်ဆိုရင်တော့ အခုဖော်ပြတဲ့ ဘေးထွက်ဆိုးကျိုးတွေကို ထည့်သွင်းစဉ်းစားသင့်ပါတယ်။
ဓါတ်မတည့်မှုဖြစ်ပေါ်စေတယ်
အရေးပြား ဓါတ်မတည့်တဲ့သူတွေဆိုရင် မင်းကွတ်သီးကို များများ အလွန်အကျွံစာပေးမယ်ဆိုရင် အရေးပြားနီတာ ရောင်တာ ယားတာ အဖုသေးသေးလေးတွေထွက်တာမျိုးဖြစ်တတ်ပါတယ်။ ဒါ့အပြင် နှုတ်ခမ်း၊ ပါးစပ်နဲ့ လည်ချောင်းတွေမှာ ရောင်လာနိုင်ပါတယ်။
ပျို့အန်တာ အားနည်းတာမျိုးဖြစ်စေတယ်
မင်းကွတ်သီးကို အလွန်အကျွံစားတာ မင်းကွပ်သီးဖျော်ရည်ကို အလွန်အကျွံသောက်မယ်ဆိုရင် ပျို့အန်တာ အားနည်းတာမျိုးဖြစ်စေပါတယ်။ မင်းကွတ်သီးမှာ Lactic အက်ဆစ်ဓါတ်တစ်မျိုးပါဝင်ပြီး သွေးကြောထဲမှာ မမှန်တဲ့ Lactic အက်ဆစ်တွေ စုပုံစေပြီး ပျို့အန်တာမျိုး ဖြစ်စေတာပါ။
ဆီးချိုအတွက် အသင့်တော်ဘူး
ဈေးကွက်အတွင်း အလွယ်တကူရရှိနိုင်တဲ့ မင်းကွတ်သီးဖျော်ရည်မှာ သကြားဓါတ်တွေအများအပြားပါဝင်ပြီး ဆီးချိုသမားတွေအတွက် သောက်သုံးလို့ မသင့်တော်ပါဘူး။ ဆီးချိုကုသမှုခံယူနေသူတွေဟာ မင်းကွတ်သီး အလွန်အကျွံစားတာကို ရှောင်ကျဉ်သင့်ပါတယ်။
ဝမ်းချုပ်စေတယ်
မင်းကွတ်သီးကိုအလွန်အကျွံစားပေးတာဟာ ဝမ်းချုပ်မှုကို ဖြစ်ပေါ်စေပါတယ်။
ကိုယ်ဝန်ဆောင်တွေနဲ့ နို့တိုက်မိခင်တွေအတွက် မသင့်တော်ဘူး
မင်းကွတ်သီးဟာ ကိုယ်ဝန်ဆောင်တွေ (သို့) နို့တိုက်မိခင်တွေအတွက် သင့်တော်တဲ့အသီးမဟုတ်ပါဘူး။ အလွန်အကျွံမစားပေးသင့်ပါဘူး။
နောက်ထပ်ဆိုးကျိုးတွေကတော့
မင်းကွတ်သီးကို အလွန်အကျွံစားပေးတာဟာ အစာအိမ်အခန့်မသင့်တာမျိုးဖြစ်စေသလို၊ ကြွက်သားနာကျင်မှုကိုဖြစ်စေပါတယ်။ ဒါ့အပြင် ခေါင်းအနည်းငယ်ကိုက်တာ ၊ အဆစ်အမြစ်အနားငယ်နာကျင်တာကိုလည်းဖြစ်ပေါ်စေပါတယ်။ အိပ်မပျော်တာကိုလည်းဖြစ်စေလို့ မင်းကွတ်သီးကို အလွန်အကျွံစားပေးခြင်းမှ ရှောင်ကျဉ်သင့်ပါတယ်။
