သွေးကြောပိတ်တာကို သက်သာစေပြီး နှလုံးရောဂါကာကွယ်ပေးမယ့် အကောင်းဆုံးအစားအစာများ

အစာလည်းဆေး ဆေးလည်းအစာဆိုသလို ကျန်းမာရေးနဲ့ညီညွှတ်တဲ့ အစားအစာတွေစားပြီး ကျန်းမာရေးကို စောင့်ရှောက်လိုက်ရအောင်နော်။ အဝလွန်ခြင်း၊ ကိုလက်စထရောများခြင်း၊ သွေးတိုးခြင်းတွေအပါအဝင် သွေးကြောပိတ်ခြင်းတွေဟာ သင့်ကျန်းမာရေးအတွက် ဆိုးကျိုးဖြစ်စေပါတယ်။ ဒါ့ကြောင့် သွေးကြောပိတ်တာကို သက်သာစေပြီး နှလုံးဆိုင်ရာ ပြဿနာတွေကို ကြိုတင်ကာကွယ်ပေးနိုင်မယ့် အစားအစာတွေကို မျှဝေပေးချင်ပါတယ်။

၁။ ကြက်သွန်ဖြူ

ကြက်သွန်ဖြူကတော့ လူတိုင်းရဲ့ အိမ်မှာ မရှိမဖြစ်ပါပဲ။ သင့်ဟင်းလျာတွေကို အနံ့အရသာရှိစေရုံသာမက ကျန်းမာရေးကိုလည်း များစွာအထောက်အကူဖြစ်စေပါတယ်။ ကိုလက်စထေရာကိုကျစေသလို၊ သွေးဖိအားကိုလည်း လျှော့ချပေးပြီး သွေးလည်ပတ်မှုကိုကောင်းမွန်စေပါတယ်။ ကြက်သွန်ဖြူအစိမ်းကို တစ်နေ့ တစ်မွှာပုံမှန်စားပေးမယ်ဆိုရင်တော့ သွေးကြောပိတ်တာကို သက်သာစေမှာပါ။

၂။ သံလွင်ဆီ

သံလွင်ဆီဟာလည်း ကျန်းမာရေးနဲ့ညီညွတ်တဲ့ အဆီတစ်မျိုးဖြစ်တယ်ဆိုတာ လူတိုင်းသိပြီးသားပါနော်။ သံလွင်ဆီနဲ့ အသီးအရွက်သုပ်စားတာ ဟာလည်း ကျန်းမာရေးနဲ့ညီညွှတ်ပါတယ်။

၃။ ထောပတ်သီး

ထောပတ်သီးဟာလည်း သံလွင်ဆီလိုပါပဲ။ ကျန်းမာရေးအတွက်လိုအပ်တဲ့ ဖက်တီးအက်ဆစ်ပါဝင်လို့ သင့်သွေးကြောကို ကျန်းမာစေပါတယ်။ ကိုလက်စရောကျစေပါတယ်။ ထောပတ်သီးကို သကြားနဲ့မဟုတ်ဘဲ ဒီအတိုင်းစားရင် ပိုပြီးကျန်းမာရေးနဲ့ညီညွှတ်ပါတယ်။

၄။ ပန်းမုန်လာစိမ်း

ပန်းမုန်လာစိမ်းကလည်း အရသာရှိပြီး ကျန်းမာရေးနဲ့ညီညွှတ်ပါတယ်။ ဗီတာမင် K ပါဝင်ပြီး အမျှင်ဓာတ်ကြွယ်ဝလို့ သွေးကြောကျန်းမာရေးအတွက် ကောင်းမွန်ပါတယ်။

ပန်းမုန်လာစိမ်းကို ပြုတ်ပြီး သံလွင်ဆီနည်းနည်းနဲ့ သုပ်စားနိုင်ပါတယ်။

၅။ နနွင်း

နနွင်းဟာ သင့်ဟင်းလျာတွေကို အရောင်လှစေရုံသာမက ရောင်ရမ်းမှုကို သက်သာစေတဲ့ ဂုဏ်သတ္တိတွေပါဝင်ပါတယ်။ အဆီတွေကြောင့် သွေးကြောနံရံတွေ ထိခိုက်ပျက်စီးခြင်းကို လျှော့ချပေးနိုင်ပါတယ်။ သွေးကြောပိတ်တာကိုလည်း သက်သာစေပါတယ်။

Featured Image Source: Scientific Animations