ငှက်ပျောသီးအခွံမှာ အမိုင်နိုအက်ဆစ်ဖြစ်တဲ့ Tryptophan ဓာတ်ပါဝင်တာကြောင့် ညအိပ်မပျော်တာကိုကုသပေးနိုင်ပြီး စိတ်ဖိစီးမှုကိုလည်း လျော့ချပေးနိုင်ပါတယ်။
ပါဝင်ပစ္စည်းများ
ရေ ၁ ခွက် (200 ml)
ငှက်ပျောသီး အခွံ
ပျားရည် စားပွဲတင်ဇွန်း ၁ ဇွန်း
ပြုလုပ်နည်း
ရေကို မီးဖိုပေါ်မှာ ဆူအောင် လုပ်ပြီး ဆူလာရင် ငှက်ပျောခွံထည့်ပါ။ မီးအေးအေးနဲ့ ၃ မိနစ်လောက်ထားပြီး ဖယ်လိုက်ပါ။
၁၀မိနစ်ကနေ ၁၅ မိနစ်ကြားအအေးခံပြီး ပျားရည်ထည့်ပါ။ ပြီးရင် သောက်ပါ။ စိတ်ဖိစီးမှုနဲ့ စိတ်မတည်ငြိမ်မှုတွေကို လျော့ချပေးနိုင်ပါတယ်။
ခေါင်းကိုက်
ငှက်ပျောခွံမှာ ပိုတက်ဆီယမ်ဓာတ်တွေကြွယ်ဝစွာပါဝင်တာကြောင့် ခေါင်းကိုက်မှုကို ဖြစ်စေတဲ့ ရောင်ရမ်းမှုတွေကို လျော့ချပေးပါတယ်။
သွေးလည်ပတ်မှုကိုကောင်းစေပြီး အောက်စီဂျင် သယ်ဆောင်မှုကို အားကောင်းစေပါတယ်။
ပါဝင်ပစ္စည်းများ
ငှက်ပျောသီးခွံ ၁ ခု
သစ်ကြမ်းပိုးခေါက် လက်ဖက်ရည်ဇွန်း တစ်ဝက်
ရေ ၁ ခွက်
ပြုလုပ်နည်း
ငှက်ပျောသီးခွံကို အိုးတစ်ခုထဲထည့်ပြီး ရေတစ်ခွက်ကို လောင်းထည့်ပါ။ ပွက်ပွက်ဆူအောင်လုပ်ပြီး ၃ မိနစ်လောက်ထားထားပါ။
မီးဖိုပေါ်ကချပြီး သစ်ကြမ်းပိုးခေါက်ကိုထည့်ပါ။ သောက်လို့ရပါပြီ။
