လူတိုင်းက တစ်ရက်ပြီး တစ်ရက်အသက်ကြီးလာပါတယ်။ အသက်ကြီးလာတာနဲ့အမျှ မျက်နှာပေါ်မှာ အရေးအကြောင်းလေးတွေဖြစ်လာမယ်၊ အသားအရေတွေတွဲလာမယ်၊ မျက်ခွံတွေတွဲလာပါလိမ့်မယ်။ ဒီလို သဘာ၀တရားကြီးကိုတော့ လွန်ဆန်လို့မရပေမယ့် ဒီလိုဖြစ်လာမယ့် အချိန် အတိုင်းအတာကိုတော့ နှေးထားလို့ရပါတယ်။ ဒါကတော့ အာဟာရပြည့်ဝစွာစားသုံးခြင်းနဲ့ အရွယ်တင်နုပျိုစေမယ့် အစားအစာတွေ ဖျော်ရည်တွေသောက်သုံးခြင်းပါပဲ။
မုန်လာဥနီနဲ့ ကညွတ်
မုန်လာဥနီနဲ့ ကညွတ်မှာ Antioxidant တွေအများကြီးပါဝင်ပြီး ဆဲလ်တွေကို နုပျိုအောင်ကူညီပေးပါတယ်။ သူတို့က အသားအရည်တွေကိုလည်း စိုပြေ ကောင်းမွန်အောင် ကူညီပေးပါတယ်။
ပါဝင်ပစ္စည်းများ
- မုန်လာဥနီ ၄ လုံး
- ကညွတ် ၁၀ ခု
- စပါးလင် ၁ချောင်း
ပြုလုပ်နည်း
- မုန်လာဥနီရဲ့ အစွန်ပိုင်း ၂ ပိုင်းကို ဖြတ်ပြီး ပါးပါးလှီးပါ။
- ကညွတ်ကို တောက်တောက်စဉ်းပါ။
- စပါးလင်ကို အရွက်တွေ ဖယ်ထုတ်ပြီး တောက်တောက် စဉ်းပါ။
- ပစ္စည်းတွေအားလုံးကို ဖျော်စက် ထဲထည့်ပြီး ညက်ညက်ကြေအောင် လုပ်ပြီး သောက်သုံးလို့ရပါပြီ။
