လူတိုင်းဟာ မွေးဖွားလာစဉ်ကတည်းက တဖြည်းဖြည်း အသက်ကြီးလာကြရပါတယ်။ ဘယ်တော့မှ ပြန်ငယ်အောင် တော့ လုပ်လို့မရပါဘူး။ ဒါပေမယ့် ကိုယ့် အသားအရေတွေ၊ ခန္ဓာကိုယ်က အရွယ်တင်နုပျိုအောင်တော့ ထိန်းသိမ်းလို့ရပါတယ်။
ဒါကြောင့် အရွယ်တင်နုပျိုစေတဲ့ ဖျော်ရည်အကြောင်းကို ဝေမျှချင်ပါတယ်။
လိမ္မော်သီးနဲ့ စတော်ဘယ်ရီဖျော်ရည်
ဗီတာမင်စီက အသားအရေည် ချောမွတ် စိုပြေဖို့အတွက် အရေးကြီးတဲ့ ပစ္စည်းတစ်ခုဖြစ်ပါတယ်။
ပါဝင်ပစ္စည်းများ
- လိမ္မော်သီး တစ်လုံး
- စတော်ဘယ်ရီ ၇ လုံး
- နာနတ်သီး တစ်ပိုင်း
ပြုလုပ်နည်း
- လိမ္မော်သီးထဲက အရည်ကို ညှစ်ထုတ်လိုက်ပါ။
- စတော်ဘယ်ရီသီးကို ပါးပါးလှီးပြီး နာနတ်သီးနဲ့အတူ ဖျော်စက်ထဲထည့်မွှေပါ။
- လိမ္မော်သီးအရည်ကို ပါထည့်ပါ။
- ပြီးရင် သောက်လို့ရပါပြီ။
- အဲ့လို ဖျော်ရည်မျိုးကို တစ်ပတ်ကို ၂ခွက်လောက်သောက်ပေးပါ။
အရွယ်တင်နုပျိုဖို့ ဆိုရင် စိတ်ထဲမှာ ပူပင်သောကတွေကို တတ်နိုင်သမျှ ဖျောက်ထားပါ။
ကိုယ်ပိုင်အချိန်လေးထားပြီး အဲ့ဒီအချိန်မှာ ကိုယ်လုပ်ချင်တဲ့ ရုပ်ရှင်ကြည့်၊ အပြင်ထွက်လည်တာမျိုးလုပ်ပါ။
တစ်နေ့ကို ၁ နာရီလောက် အားကစားတစ်ခုခု ပြေးတာဖြစ်ဖြစ်၊ လမ်းလျှောက်တာဖြစ်ဖြစ် လုပ်ဆောင်ပါ။ Gym မှာ သွားဆော့နိုင်ရင်တော့ စိတ်ဖိစီးမှုကင်းပြီး ခန္ဓာကိုယ်လည်း လှပနိုင်ပါတယ်။
