ကျန်းမာတဲ့အရိုးတွေတည်ဆောက်ဖို့ဆိုတာ တကယ်တော့ အလွန်အရေးကြီးပါတယ်။ ကျန်းမာတဲ့ အရိုးတွေဖြစ်ဖို့ အာဟာရနဲ့ လူနေမှုပုံစံ အလေ့အထ အကျင့်တွေကက အရေးကြီး ပါတယ်။ အသက်ကြီးလာ တာနဲ့အမျှ သန်မာသောအရိုးတွေ ကျန်းမာစေဖို့အတွက် ကယ်လ်စီယမ်နဲ့ ဗီတာမင် D လုံလောက်စွာ ရနိုင်ဖို့ အရသာရှိတဲ့ အစားအစာတွေ ရွေးချယ်စားသုံးနိုင်ပါတယ်။
အသီးအရွက်များများစားပါ
ဟင်းသီးဟင်းရွက်တွေက အရိုးသိပ်သည်းဆလို့ခေါတဲ့ အရိုးသတ္တုသိပ်သည်းဆကို တိုးစေတာကြောင့် သင့်အရိုးတွေအတွက် စားပေးသင့် ပါတယ်။ အစိမ်းရောင်နဲ့ အဝါရောင် ဟင်းသီးဟင်းရွက်တွေက ကလေးဘဝမှာ အရိုးသတ္တုဓာတ်ကို တိုးမြင့်စေပြီး လူကြီးတွေအတွက် အရိုး ထုထည်ကို ထိန်းသိမ်း ပေးပါတယ်။ အသက် 50 ကျော် အမျိုးသမီးတွေမှာ ကြက်သွန်နီကို မကြာခဏစားသုံးသူတွေက မစားတဲ့ အမျိုးသမီး တွေနဲ့ နှိုင်းယှဉ်ပါက အရိုးပွနိုင်ခြေ 20% လျော့နည်းကြောင်း တွေ့ရှိရပါတယ်။
ကိုယ်အလေးချိန်ထိန်းသိမ်းဖို့ လေ့ကျင့်ခန်းများပြုလုပ်ပါ
အရိုးကျန်းမာရေးအတွက် ကိုယ်အလေးချိန်ထိန်းတဲ့ လေ့ကျင့်ခန်းလုပ်တာက သက်ကြီးရွယ်အို အမျိုးသားများ၊ အမျိုးသမီးတွေကို အရိုးသတ္တု သိပ်သည်းဆ၊ အရိုးခိုင်ခံ့မှုနဲ့ အရိုးအရွယ်အစားကို တိုးလာစေပါတယ်။
ပရိုတင်းဓာတ် လုံလောက်စွာ စားသုံးပါ
အရိုးရဲ့ 50% လောက်ဟာ ပရိုတင်းနဲ့ ပြုလုပ်ထားတာမလို့ အရိုးကျန်းမာဖို့အတွက် ပရိုတင်းဓာတ် လုံလောက်စွာရရှိဖို့ အရေးကြီးပါတယ်။ ပရိုတင်းပမာဏ များများ စားတာက အသက်ကြီးတဲ့ အမျိုးသမီး တွေအတွက် အရိုးသိပ်သည်းဆကို ပိုကောင်းစေပါတယ်။
ကယ်လ်စီယမ် မြင့်မားတဲ့ အစားအစာများကို စားပါ
ကယ်လ်စီယမ်ဟာ အရိုးကျန်းမာရေးအတွက် အရေးကြီးဆုံး သတ္တုဓာတ်ဖြစ်ပြီး အရိုးမှာ တွေ့ရတဲ့ အဓိကသတ္တုဓာတ်တစ်မျိုးပါ။ အရိုးဆဲလ် တွေက အဟောင်းတွေနေရာမှာ အသစ်နဲ့အစားထိုးတာကြောင့် အရိုး တည်ဆောက်မှုနဲ့ ကြံ့ခိုင်မှုကို ကာကွယ်ဖို့ ကယ်လ်စီယမ်ကို နေ့စဉ် စားသုံး ဖို့ အရေးကြီးပါတယ်။
ဗီတာမင် D နဲ့ ဗီတာမင် K များများသောက်ပေးပါ
ဗီတာမင် D နဲ့ ဗီတာမင် K တို့က အရိုးများသန်မာစေဖို့အတွက် အလွန်အရေးကြီးပါတယ်။ ဗီတာမင် D က ခန္ဓာကိုယ်မှ ကယ်လ်စီယမ်စုပ်ယူမှုကို ကူညီပေးပြီး အရိုးပွရောဂါနဲ့ အခြားအရိုးရောဂါများကို ကာကွယ်ပေးပါတယ်။ ဗီတာမင် K2 က အရိုးဖွဲ့စည်းမှုမှာပါဝင်တဲ့ ပရိုတင်း Osteocalcin ကို ပြုပြင်ပေးပြီး Osteocalcin က အရိုးများကယ်လ်စီယမ်ဆုံးရှုံးမှုကို ကာကွယ်ပေးပါတယ်။
