လေတက်ခြင်းပြဿနာတွေကို ဖြေရှင်းပေးမယ့် နည်းလမ်းကောင်းများ

လေတက်တယ်ဆိုတာဟာ အစာအိမ်အတွင်းမှာ လေတွေစုဝေးလာပြီးတော့ ဒီလေတွေစုဝေးလာရာကနေ ဖြစ်ပေါ်လာတဲ့ဖိအားတွေကို ခန္ဓာကိုယ်ကဖယ်ရှားပစ်ချင်တဲ့အခါ ပေါ်ပေါက်လာရတဲ့အခြေအနေပါ။

ဒီလိုအခြေအနေက အိမ်မှာဆိုရင် ဘာပြဿနာမှ မရှိနိုင်ပေမယ့် လူကြားသူကြားထဲရောက်တဲ့အခါ တဂေ့ဂေ့ဖြစ်နေလို့ ဘယ်လိုမှအဆင်မပြေတာကြောင့် သက်သာစေမယ့် နည်းလမ်းကောင်းလေးတွေနဲ့ ရှောင်ရှားရမယ့် အရာတွေကို ဖော်ပြပေးလိုက်ရပါတယ်။

ဂတ်စ်ပါတဲ့အအေးတွေရှောင်ပါ

Source: Personal Excellence

ဂတ်စ်ပါတဲ့အအေးတွေကိုသောက်သုံးတာက ခန္ဓာကိုယ်တွင်းမှာ ဂတ်စ်တွေပိုပြီးစုဝေးလာစေတာကြောင့် လေတက်ခြင်းကို ပိုပြီးဖြစ်လာစေနိုင်ပါတယ်။
အရမ်းပူတဲ့ဖျော်ရည်တွေကို အအေးခံပြီးမှသောက်ပါ။
ပိုက်မသုံးပါနဲ့။ ပိုက်နဲ့အအေးတို့ရေတို့သောက်ခြင်းက လေကိုပါမြိုချသလိုဖြစ်နိုင်လို့ အတတ်နိုင်ဆုံးရှောင်ရှားပါ။
ဆေးလိပ်မသောက်ပါနဲ့။ စီးကရက်တွေကတဆင့် လေကိုရှူသွင်းလိုက်တဲ့အခါ တချို့တလေကို မြိုချလိုက်နိုင်ပါတယ်။
အစားစားတဲ့အခါ ဖြေးဖြေးလေးစားပါ။ မနားမရပ် အသားကုန်စားခြင်းက လေတက်ခြင်းဖြစ်ဖို့ ပိုပြီးအခွင့်အလမ်းများသွားစေနိုင်ပါတယ်။
အစားအသောက်ဝါးနေချိန်မှာ ပါးစပ်ပိတ်ပြီးဝါးပါ။ စကားမပြောမိအောင်လည်း ကြိုးစားပါ။

Source: mynet.com

အင်မတန်ကြပ်ထုပ်တဲ့အဝတ်အစားတွေ မဝတ်ပါနဲ့။ ခါးနားမှာ အတင်းဖြစ်ညှစ်ပြီးဝတ်ထားပါက လေတွေကို အပေါ်သို့ညှစ်ထုတ်သလိုဖြစ်သွားနိုင်ပါတယ်။

ဂျင်းရေနွေးကြမ်းသောက်ပါ

အချိန်အကြာကြီး လေတွေတက်နေပါက ဂျင်းနည်းနည်းလောက်ကိုစားပေးလိုက်ပါ။ နောက်တစ်နည်းအနေနဲ့ ဂျင်းလက်ဖက်ရည်ဇွန်းတစ်ဇွန်းစာကို ကြိတ်ပြီးတော့ အပေါ်ကနေ ရေနွေးပူပူလောင်းချကာ ငါးမိနစ်နှပ်ထားပါ။ အဖတ်တွေစစ်ထုတ်လိုက်ပြီး အအေးခံကာ သောက်သုံးပေးလိုက်ပါ။