အင်္ဂလိပ်စကားပုံတစ်ခုရှိပါတယ်။ ပန်းသီးကိုတနေ့တစ်လုံးစားပြီး ဆရာဝန်ဆီမသွားဘဲနေကြမယ်တဲ့။
သံသယဖြစ်စရာမရှိပါဘူး။ ပန်းသီးမှာ အမျှင်ဓါတ်၊ ဗီတာမင်နဲ့ သတ္တုဓါတ်တွေ ကြွယ်ဝစွာပါဝင်လို့ နေ့စဉ်စားသုံးပေးသင့်တဲ့ အသီးတစ်မျိုးဖြစ်ပါတယ်။
Antioxidant ဓါတ်တိုးဆန့်ကျင်ပစ္စည်း
အသီးအနှံတော်တော်များများမှာ အကြမ်းမျည်းအားဖြင့်တော့ ဓါတ်တိုးဆန့်ကျင်ပစ္စည်းတွေပါဝင်ပေမဲ့ ပန်းသီးမှာတော့ အများအပြားပါဝင်ပါတယ်။
ဒါ့အပြင် ကိုယ်ခံအားစနစ်ကောင်းမွန်စေတဲ့ ဂုဏ်သတ္တိတွေလည်း ပါဝင်ပါတယ်။ ဒါ့ကြောင့် ရောဂါအမျိုးမျိုး အလွယ်တကူဝင်ရောက်တာကနေကာကွယ်ပေးနိုင်ပါတယ်။ ပန်းသီးကို မနက်ပိုင်း (သို့) ညဖက်အိပ်ယာမဝင်ခင်မှာ ပုံမှန်စားပေးသင့်ပါတယ်။ အဝလွန်စေတဲ့ အသင့်စားစာပြေအစားအစာ အစား ပန်းသီးကို စားပေးသင့်ပါတယ်။
အမြင်အာရုံ
ပန်းသီး တနေ့တစ်လုံးစားပေးတာဟာ မျက်လုံးအတွင်းတိမ်ဖြစ်ခြင်းကနေ ကာကွယ်ပေးနိုင်တယ်လို့ လေ့လာမှုတွေ အများအပြားက သက်သေပြလျက်ရှိနေပါတယ်။ ပန်းသီးကို တစ်နေ့ တစ်လုံးစားပါ။
အစာချေစနစ်
ပန်းသီးမှာ အမျှင်ဓါတ်တွေ ကြွယ်ဝစွာပါဝင်တာကြောင့် အစာချေစနစ်ကိုကောင်းမွန်စေပါတယ်။ ဒါ့အပြင် သွေးတွင်းကိုလက်စထရောများတာကို လျှော့ချပေးနိုင်ပါတယ်။
အသည်း
အသည်းသာ ကျန်းမာမယ်ဆိုရင် ခန္တာကိုယ်အတွင်း အလွယ်တကူဝင်ရောက်လာတဲ့ အဆိပ်အတောက်တွေကို အလွယ်တကူဖယ်ရှားပေးနိုင်ပါတယ်။ ပန်းသီးဟာ အသည်းကျန်းမာရေးအတွက် အထူးကောင်းမွန်စေပါတယ်။ ဒါ့ကြောင့် ပန်းသီးကို စားပေးသင့်ပါတယ်။
နှလုံး
စောစောကပြောခဲ့သလိုပဲ ပန်းသီးမှာ အမျှင်ဓါတ်တွေ ကြွယ်ဝစွာပါဝင်လို့ သွေးတွင်းကိုလက်စထရောကို လျှော့ချပေးနိုင်ပါတယ်။ ဒါ့ကြောင့် နှလုံးအဆီဖုံးတာမျိုးမဖြစ်တော့သလို နှလုံးကို ကျန်းမာစေပြီး နှလုံးရောဂါဖြစ်ပွားခြင်းကနေ ကာကွယ်ပေးပါတယ်။
ကိုယ်အလေးချိန်
ဒီအချက်လေးကိုတော့ စာဖတ်သူတို့ သဘောကျနှစ်ခြိုက်ကြမယ်ထင်ပါတယ်။ ပန်းသီးကိုစားပေးတာဟာ ကိုယ်အလေးချိန်ကို လျှော့ချပေးနိုင်ပါတယ်။
