ကိုယ်အလေးချိန်သာမန်ထက်များနေတာဟာ အလှအပတစ်ခုတည်းအတွက်မကောင်းတာမဟုတ်ပါဘူး။ ကျန်းမာရေးအတွက်လည်း မကောင်းပါဘူးနော်။ သင်ရွေးချယ်နေထိုင်တဲ့ ဘဝနေထိုင်မှုပုံစံက သင့်ရဲ့ ကိုယ်အလေးချိန်အတက်အကျအပေါ် ဆုံးဖြတ်ပေးနေပါတယ်။

ဝိတ်ကျချင်ပေမယ့် ဘာလို့ဝလာရသလဲဆိုတဲ့ အကြောင်းရင်း ၆ခုကိုမျှဝေပေးပါမယ်။

၁။ အိပ်ချိန်နည်းခြင်း (သို့) အိပ်ချိန်များလွန်ခြင်း

အိပ်စက်ခြင်းဟာ ကျန်းမာရေးနဲ့ ဆက်စပ်နေသလို ကိုယ်အလေးချိန်တက်တာကျတာနဲ့လည်း ဆိုင်ပါတယ်။ အိပ်ချိန်များလွန်းတာ (သို့) အိပ်ချိန်နည်းလွန်းတာတွေဟာ သင့်ကို ကိုယ့်အလေးချိန်တက်စေပါတယ်။

ဒီလိုဖြေရှင်းကြည့်ရအောင်။

အိပ်ချိန်ကို လုံလုံလောက်လောက်အိပ်ပါ။ အသက် ၆ နှစ်ကနေ ၁၃ နှစ်ကြား ကလေးတွေက ၉ နာရီကနေ ၁၁ နာရီထိအိပ်စက်သင့်ပြီး ၁၄ နှစ်ကနေ ၁၇ နှစ်လူငယ်တွေက ၈ နာရီကနေ ၁၀ နာရီထိအိပ်စက်သင့်ပါတယ်။ အသက် ၁၈ နှစ်ကနေ ၆၄ နှစ်ကြားကတော့ ၇ နာရီကနေ ၉နာရီထိအိပ်စက်သင့်ပြီး အသက် ၆၅ နှစ်နဲ့ အထက်တွေကတော့ ၇ နာရီကနေ ၈နာရီထိအိပ်စက်ပေးသင့်ပါတယ်။

၂။ အစာမစားခြင်း

နေ့လည်စာလွတ်တာ ညစာလွတ်ာ (သို့) မနက်စာလွတ်တာဟာ ကိုယ်အလေးချိန်လျှော့ချဖို့အတွက် အကူအညီမဖြစ်စေပါဘူး။ အခုလို လုပ်တာဟာ ကိုယ်အလေးချိန်ပိုတက်စေပါတယ်။

ဒီလိုလုပ်ရအောင်။

တစ်နေကို ၃ ကြိမ်ကနေ ၅ ကြိမ်ထိအစာစားပါ။ ကျန်းမာရေးနဲ့ ညီညွှတ်တဲ့အစားအစာစားပေးပါ။ ဥပမာ မနက်စာစားပြီးရင် နေ့လည်ဖက်မှာ သရေစာအဖြစ် အသီးအနှံစားပေးတာ နေ့လည်စာစားပေးတာ ညစာမစားခင် သရေစာအဖြစ် အသီးအနှံစားပေးတာ ညစာကိုလည်း အသီးအရွက်များများစားပေးတာမျိုးပါ။ တစ်နေ့ကိုလည်းရေ ၈ ခွက်လောက်သောက်ဖို့မမေ့ပါနဲ့နော်။

၃။ သင့်ဘဝမှာ အပြောင်းအလဲတစ်ခုဖြစ်နေတယ်။

ကိုယ့်ရဲ့လုပ်ငန်းအပြောင်းအရွှေ့လုပ်တာ၊ နေရာပြောင်းတာ၊ လက်ထပ်တာ (သို့) ကွာရှင်းတာ၊ ကိုယ်ဝန်ရှိလာတာ စတာတွေအပြင် သင့်ဘဝမှာ ပြောင်းလဲမှုတစ်ခုခုဖြစ်နေတာက စိတ်ဖိစီးမှု ရှိစေပါတယ်။ စိတ်ဖိစီးမှုများတာဟာ ကိုယ်အလေးချိန်တက်စေပါတယ်။

ဒီလိုဖြေရှင်းကြမယ်။

စိတ်ဖိစီးလာတဲ့အခါ စိတ်ဖိစီးမှုကို ဖြေဖျောက်ဖိ့အချိန်ယူပါ။ လေ့ကျင့်ခန်းလုပ်ပါ။ စာဖတ်ပါ။ အိပ်ယာမဝင်ခင် ရေနွေးနွေးလေးနဲ့ ရေချိုးပါ။

၄။ အသက်အရွယ်ရလာလို့။

လူတွေဟာ တစ်နှစ်ပြီးတစ်နှစ် အသက်တွေကြီးလာတာပါ။ အသက်တွေကြီးလာရင် ဇီဝဖြစ်စဉ်လည်း နှေးကွေးသွားပြီး ကိုယ်အလေးချိန်ပုံမှန်ထိန်းထားဖို့ ခက်ခဲပါတယ်။

ဒီလိုလုပ်ရအောင်။

ပိုမိုတက်ကြွတဲ့ ဘဝနေထိုင်မှုပုံစံအတွက် နေ့တိုင်း လေ့ကျင့်ခန်းလုပ်ပေးပါ။ လမ်းလျှောက်ပေးတာ ရောဂလေ့ကျင့်ခန်းလုပ်ပေးတာမျိုးလုပ်ပါ။ ဒါဆို ကျန်းမာပျော်ရွှင်တဲ့ဘဝကို ရရှိစေမှာပါ။

၅။ မနက်စာပုံမှန်မစားပေးခြင်း

အရင်ကလည်း စာဖတ်သူတို့ကြားဖူးပြီးသားဖြစ်မှာပါ။ မနက်စာကို တကယ်အဟာရပြည့်ဝတဲ့အစားအစာ စားရဲ့လားဆိုတဲ့ မေးခွန်းရှိပါတယ်။ မနက်မစားတာဟာ ကိုယ်အလေးချိန်တက်စေပါတယ်။ ဒါ့အပြင် သကြားများတဲ့အစားအစာစားပေးတာလည်း ကိုယ်အလေးချိန်တက်စေတဲ့အကြောင်းရင်းတစ်ခုပါပဲ။

ဒီလိုလုပ်ကြည့်ရအောင်။

မနက်စာကို ကျန်းမာရေးနဲ့ညီညွှတ်တဲ့အစားအစာတွေ စားပေးပါ။ လတ်ဆတ်တဲ့အသီးအနှံတွေ၊ နှံစားသီးနှံတွေ ဗိုက်ပြည့်စေတဲ့ ထမင်း ပေါင်မုန့်စတာတွေ စားပေးပါ။

၆။ အဟာရပြည့်ပြည့်၀၀ မစားခြင်း။

ခန္ဓာကိုယ်အတွက် အာဟာရပြည့်ပြည့်၀၀ မစားတာဟာ ကိုယ်အလေးချိန်တက်စေပါတယ်။ ကိုယ်ခံအားနည်းစေပြီး စွမ်းအင်လျှော့နည်းစေပါတယ်။ ဇီဝဖြစ်စဉ်လည်း နှေးကွေးသွားနိုင်ပြီး ကိုယ်အလေးချိန်တက်စေပါတယ်။

ဒီလိုလုပ်ကြည့်ရအောင်။

မဂ္ဂနီဆီယမ်၊ သံဓါတ်(သို့) ဗီတာမင် D ဓါတ်နည်းတာဟာ ကိုယ်အလေးချိန်တက်စေပါတယ်။ ဒီလိုအဟာရဓါတ်တွေ တင့်သင့်မျှတစွာ စားပေးဖို့လိုပါတယ်။