ငါးကြီးဆီဆိုတာ တူနာငါး၊ ဆာလမွန်ငါးတွေလိုမှာ Omega-3 အဆီအက်စစ်ကြွယ်ဝတဲ့ ငါးတွေရဲ့တစ်သျှူးထဲက ထုတ်ယူရရှိတဲ့ အဆီ တစ်မျိုးဖြစ်တယ်။ Omega-3 အဆီအက်စစ်က ခန္ဓာကိုယ်ရှိအရေးကြီးတဲ့အဂ်ါတွေရဲ့လုပ်ဆောင်ချက်ကို ချောမွေ့ပြီးမြှောက်စေပါတယ်။ ငါးကြီးဆီသောက်ပေးရင် ဘယ်လိုကျန်းမာရေးအကျိုးကျေးဇူးတွေရနိုင်မလဲဆိုတာကို ဆက်လက်ဖော်ပြပေးပါမယ်။
၁။ခန္ဓာကိုယ်အဆီတွေကို လောင်ကျွမ်းစေတယ်။
ငါးကြီးဆီစားပေးခြင်းဖြင့် အင်ဆူလင်လှုံ့ဆော်မှုကိုတိုးလာစေတာကြောင့် ကိုယ်တွင်းအဆီတွေကိုချေဖျက်ပေးနိုင်တယ်လို့ လေ့လာချက်အရတွေ့ရှိရပါတယ်။ ဒါကြောင့်လေ့ကျင့်ခန်းလုပ်သူတွေကို ငါးကြီးဆီပုံမှန်စာသုံးပေးဖို့ တိုက်တွန်းထားပါတယ်။
၂။ ဦးနှောက်ကျန်းမာရေး။
ငါးကြီးဆီမှာပါဝင်တဲ့အဆီဓာတ်က စိတ်ဓာတ်ကျတာကိုပြေပျောက်စေပြီး ဦးနှောက်ရဲ့သိနိုင်စွမ်းကို မြှင့်တင်ပေးပါတယ်။ အမှတ်တရတွေ၊ ဘာသာစကား၊ ခံစားချက်၊ ဝေဖန်မှု၊ တီထွင်ဖန်တီးနိုင်မှု စတာတွေနဲ့ပတ်သတ်ပြီး ပြန်လည်တုံ့ပြန်မှုကို တိုးတက်လာစေပါတယ်။ ဦးနှောက်ဆဲလ်အသစ်ဖြစ်ပေါ်ရာမှာလည်း အထောက်အပံ့ပေးသေးပါတယ်။
၃။နှလုံးကျန်းမာရေး။
Omega 3 အဆီအက်စစ်က နှလုံးရဲ့လုပ်ဆောင်ချက်မှန်သမျှကို တိုးတက်ကောင်းမွန်စေပါတယ်။ အတ္တလန္တိတ်ဒေသဝန်းကျင်မှာနေထိုင်သူတွေမှာ နှလုံးအမောဖောက်တဲ့ကိစ္စမျိုးဖြစ်တာ အလွန်ရှားပါတယ်။ ဘာကြောင့်လဲဆိုတော့ အဲ့ဒီ့ဒေသခံတွေက Omega 3 ကြွယ်ဝတဲ့ ဆာလမွန်ငါးတွေကို စားသုံးပေးကြလို့ပါ။ ငါးကြီးဆီက မကောင်းတဲ့ကိုလက်စထရောတွေကိုကျဆင်းစေပြီး ကောင်းတဲ့ကိုလက်စထရောကိုမြှင့်တင်ပေးပါတယ်။
၄။အရိုးအဆစ်ကျန်းမာရေး။
အဆစ်နာခြင်းက ခန္ဓာကိုယ်လှုပ်ရှားမှုအနှောင့်အယှက်ဖြစ်စေပါတယ်။ Omega 3 အဆီအက်စစ်ကြွယ်ဝတဲ့ ငါးကြီးဆီသောက်ပေးရင်တော့ အဆစ်အမြစ်ရောင်ရမ်းမှုကို သက်သာစေပါတယ်။
၅။ ကြွက်သား ဖောင်းရောင်ခြင်းကိုသက်သာစေ။
ကိုယ်ကာယ လေ့ကျင့်ခန်းလုပ်တဲ့အခါ ကြွက်သားတင်းရင်ဖောင်းရောင်မှုဖြစ်ပါတယ်။ ငါးကြီးဆီစားပေးခြင်းက ကြွက်သားထဲ သွေးစီးနှုန်းကို မြင့်လာစေတာမို့ ကြွက်သားတင်းရင်းဖောင်းရောင်မှုကိုသက်သာစေပါတယ်။
ငါးကြီးဆီကို တစ်နေ့ ပုံမှန် ၂၀၀ မှ ၂၅၀ဂရမ်သောက်သုံးပေးရင် လုံလောက်ပါပြီ။ ကျန်းမာဖွံ့ဖြိုးတဲ့ဘဝကိုပိုင်ဆိုင်ချင်တယ်ဆိုရင်တော့ ငါးကြီးဆီကိုပုံမှန်မှီဝဲလိုက်ပါ။
