အစာလည်းဆေး၊ ဆေးလည်းအစာဆိုသလိုပဲ ကျန်းမာရေးအတွက် အစာ အာဟာရဓာတ်ကို သင့်တင့်မျှတအောင် စားဖို့လိုအပ်ပါတယ်။ ရေလုံလုံလောက်လောက်သောက်တာကလည်း သင့်ရဲ့ ခန္ဓာကိုယ်အတွင်းပိုင်း သန့်စင်ဖို့အတွက် အရေးကြီးသလို သင်စားမယ့်အစားအစာကလည်း အရေးပါပါတယ်။
အူမကြီးကတော့ သင့်ခန္ဓာကိုယ်ရဲ့ အရေးကြီးဆုံး အင်္ဂါအစိတ်အပိုင်းတစ်ခုဖြစ်ပါတယ်။ ဒါ့ကြောင့် အူကို သန့်ပေးဖို့လိုပါတယ်။
ဘယ်လိုအစားအစာတွေစားပြီး အူကို သန့်စင်ပေးမလဲဆိုတာကို မျှဝေပေးလိုက်ပါတယ်။
၁။ ပန်းသီး
ပန်းသီးဟာ အူ သန့်စင်ပေးတဲ့ အကောင်းဆုံး အစားအစာတစ်မျိုးဖြစ်ပါတယ်။ အဆိပ်အတောက်တွေကိုလည်း ဖယ်ရှားပေးနိုင်ပါတယ်။ ဒါ့ကြောင့် ဝမ်းချုပ်ခြင်းကို သက်သာစေသလို၊ ဝမ်းလျှောတာကိုပါသက်သာစေပါတယ်။ ရောင်ရမ်းမှုကိုလည်း သက်သာစေမှာဖြစ်ပါတယ်။
၂။ တရုတ်နံနံပင်
တရုတ်နံနံပင်မှာ Antioxidant တွေကြွယ်ဝစွာပါဝင်သလို၊ ဗီတာမင် A, B, C ပါဝင်တဲ့အပြင် ပိုတက်စီယမ်၊ Phosphorus, ကယ်လ်ဆီယမ် နဲ့ အမျှင်ဓာတ်တွေလည်း ပါဝင်ပါတယ်။ ဒါ့ကြောင့် သင့်ခန္ဓာကိုယ်အတွင်းပိုင်းကို သန့်စင်ပေးနိုင်တဲ့ အကောင်းဆုံး ဟင်းခတ်အမွှေးအကြိုက်ဖြစ်ပါတယ်။ အူကိုလည်း သန့်စင်ပေးနိုင်ပါတယ်။
၃။ သင်္ဘောသီး
သင်္ဘောသီးက သကြားဓာတ်၊ အမျှင်ဓာတ်တွေ ကြွယ်ဝစွာပါဝင်ပါတယ်။ အစာချေစနစ်ကို ကောင်းမွန်စေသလို အူမကြီးလည်း ကျန်းမာစေပါတယ်။
သင်္ဘောသီး တစ်ခြမ်း၊ ဒိန်ချဉ် ၁ ခွက် နဲ့ ပျားရည် စားပွဲတင်ဇွန်း ၂ ဇွန်း သေချာ ရောဖျော်ပြီး သောက်ပေးလို့ရပါတယ်။
၄။ ရေ
ရေကို အစားအစာလို့ မဆိုနိုင်ပေမယ့် သင့် အူမကြီးကျန်းမာရေးအတွက် အကောင်းဆုံးဖြစ်သလို ခန္ဓာကိုယ်အတက်လည်းကောင်းမွန်ပါတယ်။ ခန္ဓာကိုယ်ရဲ့ အပူချိန်ကို ထိန်းထားနိုင်ပြီး ရေဓာတ်ဖြည့်တင်းပေးနိုင်ပါတယ်။ တစ်နေ့ကို ရေ အနည်းဆုံး ၈ ခွက်သောက်ပေးပါ။
၅။ ထောပတ်သီး
ထောပတ်သီးမှာ ဗီတာမင် K, Folic Acid, ဗီတာမင် B နဲ့ Omega 3 ပါဝင်လို့ ကျန်းမာရေးအတွက် အထူးကောင်းမွန်ပါတယ်။ ခန္ဓာကိုယ်ကို သန့်စင်ပေးရုံသာမက အူမကြီးကိုပါကျန်းမာစေပါတယ်။
ထောပတ်သီးကို သကြားနဲ့စားတာထက် ဒီအတိုင်းစားရင် ကျန်းမာရေးနဲ့ ပိုပြီးညီညွတ်ပါတယ်နော်။
