Cucumber Lemon Ginger Water လေးကို မနက်ပိုင်းမှာ  အစာမစားမီ သို့မဟုတ် အစာစားပြီတဲ့အခါ တစ်ခွက်သောက်ပေးပါ။ Ginger Water က ရေဓာတ်ကို ဖြည့်တင်းပေးပြီး အစာချေဖျက်မှုကို ကူညီပေးတာကြောင့် ကိုယ်အလေးချိန် လျော့ကျဖို့ကို အများကြီး အထောက်အကူဖြစ်စေပါတယ်။

ပူပြင်းတဲ့နွေရာသီမှာ ဒီလိုအေးမြတဲ့ Ginger Water လေးကို  သောက်ကြည့်လိုက်ပါ။ ခန္ဓာကိုယ်ကို ပြန်လည်အားဖြည့်ပေးမှာ အသေချာပါ။

ရေဓာတ်ကို မြှင့်တင်ပေးတယ်

သခွားသီးမှာ ရေ 95% နီးပါးပါဝင်တာကြောင့် ရေဓာတ်ကိုပိုမိုရရှိစေပါတယ်။ လေ့ကျင့်ခန်းလုပ်ချိန်မှာ ချွေးထွက်လို့ ရေဓာတ်ဆုံးရှုံးသွားတဲ့အခါ အားပြန်ဖြည့်ဖို့ အကောင်းဆုံးပါပဲ။ ရေဓာတ်ကို ဖြည့်ပေးပြီး ဇီဝကမ္မဖြစ်စဉ်ကို မြှင့်တင်ပေးပါတယ်။

ကိုယ်အလေးချိန်ကျဖို့ ကူညီပေးတယ်

ရေဓာတ်မပြည့်ဝတဲ့အခါ ခန္ဓာကိုယ်က ရေဓာတ်ကို ထိန်းသိမ်းပေးပါတယ်။ အစာမစားမီ Ginger Water တစ်ခွက်သောက်တာက သံပရာရည်မှာ ပျော်ဝင်နိုင်တဲ့ အမျှင်ဓာတ်တစ်မျိုးဖြစ်တဲ့ Pectin ပါဝင်တာကြောင့် အစာစားချင်စိတ်ကို လျော့ကျစေပါတယ်။ Chiaစေ့မှာပါတဲ့ အမျှင်ဓာတ်နဲ့ ပရိုတင်းဓာတ်တွေက ကိုယ်အလေးချိန်ထိန်းဖို့ ကူညီပေးပါတယ်။

အူကျန်းမာရေးကို ထောက်ပံ့ပေးပါတယ်

ဂျင်းအမြစ်က အစာမကြေခြင်းကို ကူညီပေးပြီး ပျို့အန်ခြင်းကို သက်သာစေသလို သခွားသီးက အမျှင်ဓာတ်ကို မြှင့်တင်ပေးပြီး ဝမ်းချုပ်တာကို ရှောင်ရှားနိုင်အောင် ကူညီပေးပါတယ်။ သံပယိုမှာ အစာချေဖျက်ရာမှာ အထောက်အကူဖြစ်စေတဲ့ အသည်းနဲ့ အစာအိမ်နဲ့ အူလမ်းကြောင်းကို လှုံ့ဆော်ပေးတဲ့ Citric Acid ပါဝင်ပါတာကြောင့် အူကျန်းမာရေးအတွက်လည်း အထောက်အကူဖြစ်စေပါတယ်။

ကိုယ်ခံအားစနစ်ကို ကောင်းမွန်စေတယ်

သံပယိုသီးမှာ ဗီတာမင် C မြင့်မားစွာပါဝင်တာကြောင့် ကိုယ်ခံအားကို မြှင့်တင်ပေးပြီး ခန္ဓာကိုယ်ကနေ သတ္တုဓာတ်များကို  ပိုပြီး ကောင်းကောင်းစုပ်ယူနိုင်စေဖို့ ကူညီပေးပါတယ်။

ကျန်းမာသောအသားအရေကိုရစေပါတယ်

အစာချေဖျက်တာက အရေပြားကျန်းမာရေးကို  မြှင့်တင်ပေးနိုင်တာကြောင့် ရောင်ရမ်းမှုကို သက်သာစေပြီး သဘာဝအတိုင်း တောက်ပစေပါတယ်။