ကမ္ဘာတစ်ဝှမ်းမှာ အဖြစ်များနေတဲ့ အရိုးပွရောဂါဟာဆိုရင် ခန္ဓာကိုယ်မှာရှိတဲ့ အရိုးတွေကို အထိမခံဖြစ်စေပြီး ယခင်ထက်ကို ပိုပြီး အားလျော့နည်းလာစေပါတယ်။

ဒါကြောင့် အသက် (၆၀) အရွယ်ကို ရောက်လာတဲ့အခါမှာ ကျန်းကျန်းမာမာနဲ့ ကြံ့ကြံ့ခိုင်ခိုင်ရှိနေဖို့အတွက် အသက် (၂၀)၊ (၃၀) အရွယ်တွေကတည်းက ထိန်းသိမ်းပြုလုပ်ပေးဖို့လိုအပ်တဲ့ အချက်လေးတွေကို ဖော်ပြပေးချင်ပါတယ်။

၁။ ကယ်လ်ဆီယံဓာတ်

အရိုးတွေကို ကာကွယ်ဖို့အတွက် အဓိကလိုအပ်တဲ့အရာကတော့ ကယ်လ်ဆီယံဓာတ်ပါပဲ။ ခန္ဓာကိုယ်အတွင်းက အရိုးတွေမှာ ကယ်လ်ဆီယံဓာတ် ၉ ၉ .၅ ရာခိုင်နှုန်းပါဝင်နေတာဖြစ်တာကြောင့် အရိုးပွရောဂါမဖြစ်ပွားဖို့အတွက် ပထမဦးဆုံးအနေနဲ့ ဆောင်ရွက်ရမှာကတော့ ကယ်လ်ဆီယံဓာတ် လုံလုံလောက်လောက် သုံးစွဲဖို့ပါပဲ။

ကယ်လ်ဆီယံဓာတ်ကြွယ်ဝတဲ့ အစားအစာတွေကတော့ ဆာဒင်းငါး၊ ငါးသေတ္တာဘူး၊ တို့ဖူး၊ ဗာဒံစေ့များ၊ ချိစ်၊ နို့၊ ဒေါက်ခွရွက် နှင့် လိမ္မော်ရည်တို့ပဲ ဖြစ်ပါတယ်။

၂။ ဗီတာမင်ဒီ

ခန္ဓာကိုယ်အတွင်းမှာ မရှိမဖြစ်လိုအပ်တဲ့ အာဟာရဓာတ်တွေထဲမှာ ဗီတာမင်ဒီကလည်း တစ်ခုအပါအဝင်ပါပဲ။ နေရောင်နဲ့ထိတွေ့တဲ့အခါမှာ ဖြစ်ပေါ်လာတတ်တဲ့ ဓာတ်တစ်မျိုးဖြစ်တာကြောင့် နေရောင်ခြည်ဗီတာမင်လို့လည်း ခေါ်ကြပါသေးတယ်။ ဦးနှောက်အလုပ်လုပ်မှုမှာလည်း ပါဝင်ပတ်သက်နေတဲ့ ဗီတာမင်ဒီဟာ ကျန်းမာကြံ့ခိုင်တဲ့ အရိုးတွေ၊ သွားတွေပိုင်ဆိုင်ဖို့အတွက် အဓိကလိုအပ်ပါတယ်။

ဗီတာမင်ဒီကိုတော့ တူနာ၊ ဆယ်လ်မွန်ငါးများနှင့် နို့ထွက်အစားအစာများ၊ အမဲအသည်း၊ ချိစ် နှင့် ကြက်ဥများကို စားသုံးခြင်းဖြင့် ရရှိနိုင်ပါတယ်။

၃။ ပုံမှန်အလေးချိန်ကို ထိန်းသိမ်းပါ။

စားသောက်မှုပုံစံကို တင်းကြပ်လိုက်ခြင်းက ကိုယ်အလေးချိန်အတော်ကျစေနိုင်ပေမယ့်လည်း ကျန်းမာရေးရှုထောင့်မှ ပြန်ကြည့်မယ်ဆိုရင် လုံးဝမသင့်တော်ပါဘူး။ ထိုကဲ့သို့ပြုလုပ်ခြင်းက ခန္ဓာကိုယ်ရှိ အရိုးများသိပ်သည်းမှုကို လျော့နည်းလာစေပြီး အဝလွန်ရောဂါဖြစ်နိုင်ခြေကိုလည်း မြင့်တက်လာစေနိုင်ပါတယ်။

၄။ အရိုးများအတွက် လေ့ကျင့်ခန်းလုပ်ပါ

အသက်သုံးဆယ်အရွယ်ရောက်တဲ့အခါမှာ ကျွနု်ပ်တို့ရဲ့ ခန္ဓာကိုယ်ရှိ အရိုးသိပ်သည်းမှုတွေဟာ ဖြည်းဖြည်းချင်း လျော့ကျလာပါတယ်။ ခန္ဓာကိုယ်ကအရိုးတွေကို အချိန်ကြာတဲ့အထိ ကြံ့ခိုင်နေဖို့အတွက် ကိုယ်လက်လေ့ကျင့်ခန်းတွေလုပ်ပြီး ထိန်းသိမ်းထားဖို့ လိုအပ်ပါတယ်။

၅။ ဆေးလိပ်ဖြတ်ပါ

ဆေးလိပ်သောက်ခြင်းဟာလည်း အရိုးသိပ်သည်းမှုအပေါ်မှာ ဆိုးရွားတဲ့သက်ရောက်မှု တိုက်ရိုက်ရှိနေပါတယ်။ ဒါ့ကြောင့် ကျန်းမာကြံ့ခိုင်တဲ့ အရိုးတွေကို ထိန်းသိမ်းထားဖို့အတွက် ဆေးလိပ်သောက်တတ်တဲ့သူဆိုပါက အခုချိန်ကစပြီး ရပ်တန်းကရပ်လိုက်ပါ။

၆။ ကဖင်းသုံးစွဲမှုကို လျှော့ချပါ

အချို့သူတွေအတွက်ကတော့ မနက်ခင်းတစ်ခုကို ကော်ဖီတစ်ခွက်နဲက အစပြုတတ်ကြပေမယ့်လည်း ကဖင်းဓာတ်အလွန်များသွားတဲ့အခါမှာတော့ အရိုးအတွက်ကို ဆိုးကျိုးတွေဖြစ်စေနိုင်ပါတယ်။ ကဖင်းဓာတ်အမြောက်အမြား သုံးစွဲမိတဲ့အခါမှာတော့ အရိုးသိပ်သည်းမှုပမာဏဟာ လျော့နည်းလာပြီး အရိုးပွရောဂါတွေ ခံစားလာရနိုင်ပါတယ်။

၇။ အိုမီဂါသရီး စားသုံးပါ

သင့်တင့်လုံလောက်တဲ့ ကိုယ်လက်လေ့ကျင့်ခန်းနဲ့အတူ အိုမီဂါသရီးဖက်တီးအက်စစ်ကို တွဲဖက်စားသုံးပေးမယ်ဆိုရင် အရိုးသိပ်သည်းမှုပမာဏပေါ်မှာ သိသာတဲ့ သက်ရောက်မှုကို ဖြစ်စေနိုင်ပါတယ်။ ထိုမ ျှသာမက အရိုးအဆစ်နာကျင်မှုတွေကို သက်သာစေပြီး အရိုးပွရောဂါကို ကာကွယ်နိုင်မှာပါ။

အိုမီဂါသရီးဖက်တီးအက်စစ်တွေကိုတော့ မက်ကရယ်ငါး၊ ပင်လယ်စာ၊ သစ်ကြားသီး တို့ကို စားသုံးခြင်းဖြင့် ရရှိနိုင်ပါတယ်။

၈။ Collagen

အသက်အရွယ်ရလာတာနဲ့အမ ျှ အရိုးသိပ်သည်းမှုတွေနည်းပါးလာတာနဲ့အတူ Collagen ပမာဏဟာလည်းပဲ ဖြည်းဖြည်းချင်း လျော့ကျလာပါတယ်။ ထိုမှတဆင့် အရိုးကြွပ်ဆတ်မှုတွေကို ဖြစ်ပေါ်လာစေနိုင်ပါတယ်။

Collagen ကြွယ်ဝတဲ့ အစားအစာတွေကတော့ အရိုးစွပ်ပြုတ်၊ ငရုတ်ပွ၊ အချဉ်ဓာတ်ပါတဲ့ အသီးအနှံတွေ၊ ကြက်ဥ၊ ဘဲဥ၊ ဖရုံစေ့ စတာတွေပဲဖြစ်ပါတယ်။

၉ ။ ပရိုတင်းဓာတ် လုံလုံလောက်လောက် စားသုံးပါ

ပရိုတင်းဓာတ်ကို စားသုံးမှုက အရိုးသိပ်သည်းမှုနဲ့ တိုက်ရိုက်ဆက်စပ်နေတယ်လို့ သုတေသီအချို့က ဖော်ပြထားပါတယ်။ ကယ်လ်ဆီယံဓာတ်နဲ့ ပရိုတင်းဓာတ်တို့ဟာ အရိုးကျန်းမာရေးအတွက် ပေါင်းစပ်ပြီး အလုပ်လုပ်ကြတဲ့အတွက် အာဟာရဓာတ်နှစ်ခုလုံးကို သေချာစားသုံးပါ။

ပင်လယ်စာ၊ နို့၊ ချိစ်၊ ဥ၊ ပဲတွေဟာ ပရိုတင်းဓာတ်ကြွယ်ဝတဲ့ အစားအစာတွေပါ။

၁၀။ ဆားသုံးစွဲမှုကို လေ ျှာ့ချပါ

ဆိုဒီယမ်သုံးစွဲမှု များပြားခြင်းကလည်း အရိုးကျန်းမာရေးကို အန္တရာယ်ရှိလာစေနိုင်ပါတယ်။ ပုံမှန်အားဖြင့် ဆားကိုစားသုံးခြင်းကနေ ဆိုဒီယမ်ကို ရရှိပေမယ့်လည်း အများအပြားစားသုံးမိပါက ကယ်လ်ဆီယံလျော့နည်းမှုကို ဖြစ်စေနိုင်ပါတယ်။ ထိုမှတဆင့် အရိုးတွေအားနည်းလာပြီး ကြွပ်ဆတ်မှုတွေ ဖြစ်စေနိုင်ပါတယ်။

Source: BrightSide