အထိုင်များတဲ့သူတွေပဲဖြစ်ဖြစ် ခါးညောင်းတတ်တဲ့သူတွေပဲဖြစ်ဖြစ် ဗိုက်ချပ်ချင်တဲ့သူတွေပဲဖြစ်ဖြစ် လုပ်ပေးသင့်တဲ့ လေ့ကျင့်ခန်းတစ်ခုပါပဲ။

အိမ်မှာလည်း လုပ်ရတာအဆင်ပြေပြီး နေရာသိပ်မပေးရတာမို့ စာဖတ်သူတို့လည်း အကြိုက်တွေ့ကြမှာပါ။

၁။ အရင်ဆုံး ခြေထောက်နှစ်ဖက်ကို ဆန့်ပြီးထိုင်လိုက်ပါ။ ပြီးရင် ညာဖက်ကခြေထောက်ကို ဘယ်ဖက်ကိုဖြတ်ထားပြီး ခေါင်းနဲ့ ညာဖက်က ဒူးခေါင်းကိုထိပေးပါ။ အဲဒီအတိုင်း စက္ကန့် ၂၀ လောက်နေပါ။ ပြီးရင် နောက်တစ်ဖက်ပြောင်းပေးပါ။ တစ်ဖက်ကို ၅ ကြိမ်လောက်လုပ်ပေးပါ။

၂။ အရင်ဆုံး ခြေထောက်ကို ခွေပြီးထိုင်လိုက်ပါ။ ပြီးရင် ညာဖက်ကခြေထောက်ကို ညာဖက်လက်နဲ့ မပြီး ဘယ်ဖက်ပေါင်ကိုကျော်ကာ ထားလိုက်ပါ။ ပြီးရင် ဘယ်ဖက်လက်ကို အနောက်ဖက်မှာ ချထားပြီး ခေါင်းကိုလည်း လှည့်ပေးထားပါ။ အဲဒီအတိုင်း ၁၅ စက္ကန့်ကနေ စက္ကန့် ၂၀ ထိနေပါ။ ပြီးရင် နောက်တစ်ဖက်ပြောင်းပါ။ တစ်ဖက်ကို ၅ ကြိမ်လုပ်ပေးပါ။

၃။ အရင်ဆုံး ဒူးကွေးပြီးထိုင်ပါ။ ပြီးရင်ဘယ်ဖက်ခြေထောက်ကို အနောက်ဖက် တန်းတန်းဆန့်ပြီး ခန္တာကိုယ်အပေါ်ပိုင်းနဲ့ လက်ကိုလည်း အရှေ့ဖက်ချထားပေးပါ။ အဲဒီအတိုင်း ၁၅ စက္ကန့် စက္ကန့် ၂၀ လောက်နေပေးပြီး နဂိုအတိုင်းပြန်နေပါ။ ပြီးရင် နောက်ဖက် ခြေထောက်တစ်ဖက်ကို ပြောင်းပါ။ တစ်ဖက်ကို ၅ ကြိမ်ဆီလုပ်ပေးပါ။

၄။ အရင်ဆုံး ကျောလှဲနေပါ။ ပြီးရင် လက်နှစ်ဖက်ကို ဘေးဖက် တန်းတန်း ဆန့်လိုက်ပါ။ ဘယ်ဖက်ဒူးကိုကွေးလိုက်ပြီး ညာဖက်က ဒူးကို အခုပုံပါအတိုင်းထားပေးပါ။ ပြီးရင် မျက်နှာကို ညာဖက်လှည့်ပေးထားပြီး ခါးကိုဆန့်ထားပါ။ အဲဒီအတိုင်း ၁၅ စက္ကန့် စက္ကန့် ၂၀ ထိနေပါ။ ပြီးရင် နောက်တစ်ဖက်ပြောင်းပေးပါ။ တစ်ဖက်ကို ၅ ကြိမ်ဆီလုပ်ပေးပါ။

၅။ အရင်ဆုံး ကျောလှဲအနေထားနေပါ။ ပြီးရင် ဒူးကွေးလိုက်ပါ။ ပြီးရင် တဒေါင်ဆစ်နဲ့ တင်ကိုထောက်ပြီး ခန္တာကိုယ်ကို ကြွပေးပါ။ အသက်ကိုခပ်မှန်မှန်လေးရှုပေးပါ။ စက္ကန့် ၂၀ လောက်နေပါ။ ပြီးရင် နဂိုအတိုင်းပြန်နေပြီး ၅ ကြိမ်လောက်လုပ်ပေးပါ။

၆။ အရင်ဆုံး ဒူးကွေးပြီး ထိုင်ထားပါ။ ပြီးရင် ခြေထောက်နှစ်ဖက်ကိုရှေ့ထုတ်ပြီး လက်နှစ်ဖက်နဲ့ ဖိကာ ခေါင်းကို ခြေထောက်နဲ့ ထိနိုင်သမျှ ထိအောင်လုပ်ပါ။ စက္ကန့် ၂၀ လောက်ထားပြီး ခဏနားပါ။ ပြီးရင် ထပ်လုပ်ပေးပါ။ ၅ ကြိမ်လောက်လုပ်ပေးပါ။