နှလုံးဆိုတာ ကြွက်သားတစ်မျိုးဖြစ်ပြီး ခန္ဓာကိုယ်တစ်ခုလုံးအတွက် သွေးတွေကို ပေးပို့ထောက်ပံ့ပေးတဲ့ အလုပ်ကိုလုပ်ဆောင်ပါတယ်။

အောက်စီဂျင်ပါဝင်တဲ့ သွေးက နှလုံးကို စီးဆင်းမှု ရပ်တန့်သွားခဲ့ရင် ရုတ်တရက် နှလုံးရောဂါဖောက်ခြင်း(Heart Attack) ဖြစ်တတ်ပါတယ်။

အောက်စီဂျင်ပါဝင်တဲ့ သွေးတွေကို နှလုံးကို မရောက်နိုင်ခဲ့ရင်တော့ Heart Attack ဖြစ်ပြီး သေဆုံးနိုင်ပါတယ်။

Heart Attack ရဲ့ လက္ခဏာများမှာ

ရင်ဘတ်အောင့်ခြင်း သို့မဟုတ် နေသာထိုင်သာမရှိခြင်း

ရင်ဘတ်မှာ တစ်ခုခု ဖိထားသလို၊ နာကျင်သလို၊ ညှစ်ထားသလို ခံစားရပါလိမ့်မယ်။

အသက်ရှူမဝခြင်း

အသက်ရှူကျပ်သလိုလို၊ အသက်ရှူမဝသလို ခံစားရခြင်း။

စိတ်လှုပ်ရှားမှုများလာခြင်း။

ခန္ဓာကိုယ်အနှံ့ ကိုက်ခဲလာခြင်း။

တချို့လူနာတွေက လည်ပင်၊ ဝမ်းဗိုက်၊ နောက်ကျော၊ မေးရိုးနဲ့ လက်မောင်း စသည်တို့မှာ ကိုက်ခဲလာတတ်ပါတယ်။

ချောင်းဆိုးခြင်း။

နှလုံးက သွေးတွေကို ကောင်းမွန်စွာ ပို့ဆောင်မပေးနိုင်တော့တာကြောင့် သွေးတွေက အဆုတ်ထဲကိုဝင်ရောက်ပြီး ချောင်းဆိုးတာမျိုးဖြစ်နိုင်ပါတယ်။

ဒီလိုလက္ခဏာမျိုးကို တွေ့ရှိမိပါက Heart Attack ဖြစ်နိုင်တာကြောင့် နီးစပ်ရာ ဆေးရုံ၊ ဆေးခန်းကို သွားရောက်သင့်ပါတယ်။