အိပ်ယာကထရင် တစ်ကိုယ်လုံးနာနေပါသလား။ အောက်ဖော်ပြတဲ့အတိုင်း အိပ်စက်ကြည့်ပါ။

ကျွန်မတို့ ဘဝသက်တမ်းရဲ့ ၃ ပုံ ၁ ပုံလောက်ကို အိပ်စက်ခြင်းအတွက် အသုံးပြုကြရပါတယ်။ ဒါ့ကြောင့် ညအိပ်တဲ့အချိန်မှာ အိပ်ရေးဝဝနဲ့ သက်တောင့်သက်သာ အိပ်နိုင်ဖို့ အရေးကြီးပါတယ်။

ပခုံးနာနေရင်

မနက်အိပ်ယာထတာနဲ့ ပခုံးနာနေရင် ဘေးတစ်စောင်း အထူးသဖြင့် နာနေတဲ့ ပခုံးကို ဖိပြီး မအိပ်ပါနဲ့။

အကောင်းဆုံး အိပ်စက်သင့်တဲ့ ပုံစံက ခေါင်းအုံးပါးပါးလေးကို ခေါင်းအောက်မှာထားပါ။ ပလက်အနေအထားနဲ့ နောက်ထပ် ခေါင်းအုံးကို ဗိုက်အပေါ် (အစာအိမ်အပေါ်) တင်ထားပြီး လက်နဲ့ ဖက်ထားပါ။ ဒါဆိုရင် ပံခုံးရဲ့အနေအထား ပုံမှန်ဖြစ်သွားပါလိမ့်မယ်။

ခါးနာနေရင်

ခါးနာနေရင် ခါးရိုးကို ဖြောင့်နေအောင် ထားဖို့ အရေးကြီးပါတယ်။ မွှေ့ရာက အရမ်းပျော့နေရင် မွေ့ရာ အသစ်ကို ဝယ်ပါ။ အကောင်းဆုံးကတော့ မြန်မာ့နည်းနဲ့ ဖျာခင်းအိပ်ဖို့ လိုအပ်ပါတယ်။

အကောင်းဆုံး အိပ်စက်သင့်တဲ့ပုံစံက ခေါင်းအုံးပါးပါးလေးကို တံခေါက်ခွက်အောက်မှာထားပြီး အိပ်ပေးပါ။ ခါးအောက်မှာလည်း သဘက်ပါးပါးလေး ထည့်ပြီး အိပ်ပေးပါ။

လည်ပင်းနာနေရင်

လည်ပင်းနာတတ်တဲ့သူက ခေါင်းအုံးကို သေချာ ရွေးချယ် ဖို့လိုအပ်ပါတယ်။ ခေါင်းအုံးက အရမ်းမထူသင့်ပါဘူး။ ၆ လက်မထက် ပိုမထူသင့်ပါဘူး။ လက်တွေအောက်မှာလည်း ပုံမှာပြထားတဲ့အတိုင်းခေါင်းအုံးလေး ထည့်ပြီး အိပ်ပေးပါ။

ညအိပ်မပျော်ရင်

စမတ်ဖုန်းတွေ၊ ကွန်ပျုတာတွေကို အိပ်ယာဝင်ချိန်မှာသုံးရင် ညအိပ်မပျော်တတ်ပါဘူး။ စမတ်ဖုန်း၊ ကွန်ပျုတာတွေကနေ ထွက်တဲ့အလင်းရောင်က မျက်လုံးကို ပိုကြောင်စေပါတယ်။

အဲ့ဒီအပြင် ကဖိန်းဓာတ်ပါတဲ့ ကော်ဖီ၊ ခွန်အားဖြည့်အချိုရည်၊ ဆိုဒါ၊ ရေနွေးကြမ်း တို့ကို ညအိပ်ချိန်နဲ့ ၆ နာရီအတွင်းမှာ မသောက်သုံးသင့်ပါတယ်။

မနက်ခင်းနဲ့နေ့လည်ခင်းမှာ လေ့ကျင့်ခန်း လုပ်ပေးသင့်ပါတယ်။ ဒီလို လေ့ကျင့်ခန်းတွေက သွေးလည်ပတ်မှုကို ကောင်းစေပြီး လွယ်လွယ်ကူကူနဲ့ အိပ်ပျော်စေပါတယ်။

Photo Credit: Brightside