ညဖက်တွေမှာ အိပ်မပျော်တဲ့ပြဿနာဟာ ယနေ့ခေတ်မှာ လူအများကြုံတွေ့နေရတဲ့ ကိစ္စတစ်ခုဖြစ်ပြီး အကြောင်းအရင်းကတော့ စိတ်ဖိစီးမှုတွေ၊ အစားအသောက်ညီမျှမှုမရှိတာတွေ၊ စိတ်ပိုင်းဆိုင်ရာ အခက်အခဲတွေကြောင့်ဖြစ်ပါတယ်။

ကောင်းမွန်တဲ့ တစ်နေ့တာကို ပိုင်ဆိုင်နိုင်ဖို့အတွက် ညဖက်မှာ သေချာအိပ်စက်ဖို့လိုအပ်တာကြောင့် စက္ကန့် ၁၂၀ အတွင်းမှာပဲ အိပ်ပျော်သွားစေနိုင်မယ့် နည်းလမ်းကောင်းလေးကို ဖော်ပြပေးချင်ပါတယ်။

နည်းလမ်း ၁

လျှာ၊ မေးရိုးနှင့် မျက်လုံးတစ်ဝိုက်ရှိ ကြွက်သားတွေအပါဝင် မျက်နှာရှိကြွက်သားတွေအားလုံးကို အကြောလျှော့ထားပါ။

နည်းလမ်း ၂

ပုခုံးတွေကို တတ်နိုင်သမျှ နိမ့်သထက်နိမ့်အောင် နှိမ့်ပေးပြီး လက်နှစ်ဖက်ကို ဘေးတစ်ဖက်တစ်ချက်စီမှာ ထားထားပါ။

နည်းလမ်း ၃

အသက်ရှူထုတ်လိုက်ပြီး ရင်ဘတ်ကိုဖြေလျှော့လိုက်ပါ။ ပြီးလျှင် ခြေထောက်တွေကိုလည်း လွတ်လွတ်လပ်လပ်နေပြီး အကြောတွေအကုန်လျှော့ထားပါ။

နည်းလမ်း ၄

အထက်ဖော်ပြပါ နည်းလမ်းတွေအတိုင်း လုပ်ပြီးရင် နောက်ထပ်လုပ်ဆောင်ရမယ့် အဆင့်ကတော့ အောက်ဖော်ပြပါ ပုံစံလေးကို မျက်လုံးထဲမှာ မြင်ယောင်လိုက်ပါ။

ဒီလိုပုံလေးအတိုင်းပဲ ရေပြင်ထက်လှေကလေးထဲမှာ အိပ်နေသလိုမျိုး စဉ်းစားလိုက်ပြီး သဘာဝသံစဉ်တစ်ခုဖြစ်တဲ့ ရေလှိုင်းသံလေးကို နားယောင်နေလိုက်ပါ။

Source: BrightSide